Vindmylluriddara-gengið: VG

Einkenni á málflutningi VG-félaga er, að þeir búa sér til gerviveröld og æsa sig síðan upp í hatrömmum andróðri við "óréttlætið" í þessum gerviheimi. Þessi skrýtna hegðun vinstri grænna hefur opinberazt í furðumálflutningi þeirra í yfirstandandi kosningabaráttu um jöfnuð og kaupmátt ráðstöfunartekna á Íslandi, sem hefur verið flett ofan af sem hreinum ósannindum.  VG-félagar eru furðudýr í pólitískum sýndarveruleika, án minnstu þekkingar á fjármálum íslenzka ríkisins og lögmálum efnahagslífsins.  Þeir svífa um á rauðu skýi klisja og slagorða. Sannkallaðir vindmylluriddarar.

Sósíalistar komust í sálarháska við fall Ráðstjórnarríkjanna árið 1990, og ráð þeirra út úr því hugmyndafræðilega öngstræti var að hverfa á vit sýndarveruleika.  Þá skálda þeir upp "óréttláta og spillta" gerviveröld, og sefja sig upp í hatramma baráttu gegn henni. Þetta höfum við séð í málflutningi Hugos Chavez og Nicolas Maduros í Venezúela, og þetta sjáum við á Íslandi, þar sem sósíalistar skálda upp sviðsmynd af fátækt, ójafnrétti og misskiptingu efnislegra verðmæta, sem stenzt enga skoðun.

Formaður VG, Katrín Jakobsdóttir, gaf innsýn í forneskjuleg hugarfylgsni sín á Flokksráðsfundi VG 19. ágúst 2017.  Þar varpaði hún ljósi á fáránlega sviðsmynd, sem hún hefur dregið upp af Íslandi og á sér enga stoð í raunveruleikanum:

"Vaxandi misskipting gæðanna sprettur beinlínis af því efnahagskerfi og þeim pólitísku stefnum, sem hafa verið ráðandi undanfarna áratugi, og nú er svo komið, að sífellt fleira fólk er farið að finna fyrir því."

Kjósendur ættu að velta því fyrir sér, hvaða efnahagskerfi það er, sem "litla stúlkan með eldspýturnar og púðurtunnuna" vill, að leysi núverandi efnahagskerfi af hólmi.  Niðurstaða blekbónda er sú, að það eigi ýmislegt skylt við "alræði öreiganna".  

Þarna er forsenda formanns vindmylluriddara-gengisins sú, að á Íslandi eigi sér stað "vaxandi misskipting gæðanna".  Þessi forsenda formannsins er röng.  Tekjujöfnuður er hvergi meiri á Vesturlöndum en á Íslandi samkvæmt alþjóðlegum GINI-ójafnaðarstuðli, og þessi ójafnaðarstuðull hefur farið nánast stöðugt lækkandi frá tíð vinstri stjórnarinnar 2009-2013.  Þarf mikla ósvífni eða ótrúlega fávísi, og er hvorug gott vegarnesti inn á Alþingi og jafnvel í stól forsætisráðherra, til að varpa fram þessum ósannindavaðli.  

Lítum þá á eignastöðuna.  Hagstofan birti í v. 40, fyrstu viku október 2017, árlegar tölur um eigna- og skuldastöðu einstaklinga og heimila.  Eigið fé heimilanna jókst um 13 % árið 2016 og fór í rúmlega miaISK 3300 (mia=milljarður) í árslok.  Þetta sýnir minnkandi skuldsetningu og aukið efnahagslegt öryggi almennings.  Efsta eignatíund heimilanna á 62 % heildareignanna eða miaISK 2100.  Erlendis er þetta hærra hlutfall, enda er íbúðareign almennari hér en víðast hvar annars staðar, þótt sigið hafi á ógæfuhliðina í þeim efnum á þessum áratugi vegna geggjaðra verðhækkana af völdum lóðaskorts og útleigu til ferðamanna. Til að lækka verðið þarf einfaldlega að stórauka framboðið. Þá reka vinstri flokkarnir andróður gegn sjálfseignastefnu húsnæðis.  Allt hefur þetta leitt til hlutfallslegrar fækkunar fólks, sem býr í eigin íbúð.  Það er brýnt velferðarmál að snúa þessu við, svo að yfir 90 % fjölskyldna nái að koma sér eigin þaki yfir höfuðið og tryggja þannig afkomu sína til æviloka, eins og bezt verður á kosið.

Hvað eru þetta miklar hreinar eignir á mann í efstu tíund ?  100 MISK/mann (M=milljón) er meðaltalið, þ.e. hús, bíll og nokkur peningalegur sparnaður.  Það er nú allt og sumt.  Vart er hægt að hugsa sér meiri eignajöfnuð í landi, þar sem ein helzta lífeyristrygging landsmanna er eigið húsnæði, og bíll er hverjum manni nauðsyn til að komast ferða sinna.  

Annar mælikvarði á þróun eignastöðu fjölskyldnanna er breyting á fjölda með neikvætt eigið fé.  Fjölskyldum með neikvætt eigið fé í húsnæði fækkaði árið 2016 um 20 % og voru 5856 í árslok með að meðaltali -MISK 5,0 í eigið fé.  Fjölskyldum í eigin húsnæði, sem ætla má, að búi við þröngan kost, fækkaði þannig um 1-2 þúsund.  Frá árinu 2010, þegar alræmd "skjaldborg heimilanna" var við lýði, hefur þessum fjölskyldum fækkað um 70 %, en þær voru þá 25´000 talsins.  Þetta er "bylting auðvaldskerfisins" til batnaðar fyrir heimilin í landinu.  

Á árabilinu 2010-2016 hefur eiginfjárstaða einstaklinga hækkað úr miaISK 1565 í miaISK 3343 eða rúmlega tvöfaldazt.  Til samanburðar hefur eiginfjárstaða eignamestu tíundarinnar "aðeins" hækkað um 53 %.  Auðvitað munu firrtir vindmylluriddarar VG stinga hausnum í sandinn við þessi tíðindi, en hvernig skyldi upplitið á þeim verða við þau tíðindi, að eigið fé 5. tíundarinnar hefur frá 2010 aukizt um 413 % og 6. tíundar um 317 %.  Fólk í tíundinni með verstu eiginfjárstöðuna hefur lækkað nettóskuldir sínar um helming.  Tveir eignatíundarhópar, 3. og 4. tíund, voru með neikvætt eigið fé árið 2010, en þessi 20 % skattgreiðenda eru nú með jákvætt eigið fé.  

Óðinn skrifar um þetta í Viðskiptablaðið 5. október 2017:

"Allt tal um, að uppgangur síðustu ára hafi verið á kostnað launafólks og bara til hagsbóta fyrir fjármagnseigendur og "auðvaldið" er því úr lausu lofti gripið.  Það er gott að hafa í huga í aðdraganda enn einna kosninganna."   

Það, sem hér hefur verið dregið fram af talnastaðreyndum Hagstofunnar, sannar, að eignajöfnuður í landinu hefur batnað gríðarlega frá 2010 og hélt áfram að batna árið 2016.  Tali formanns vindmylluriddaragengisins um "vaxandi misskiptingu gæðanna" er á grundvelli ofangreindra tölulegu staðreynda bezt lýst sem helberri þvælu, sem reist er á firrtu sósíalistísku viðhorfi til raunveruleikans.

  Katrín Jakobsdóttir hefur náð talsverðri leikni sem vindmylluriddari í að draga upp falsmynd af þjóðfélaginu og síðan að ráðast á þessa falsmynd í anda byltingarsinnaðra sósíalista, nákvæmlega eins og vindmylluriddarinn "sjónumhryggi" á sinni tíð á Spáni réðist á vindmyllur, sem hann taldi illa dreka.  Það er ódýr kosningabarátta að ætla að umbylta því, sem er ekki til, og boðar ekkert gott fyrir hag landsins eftir kosningar 28. október 2017, ef vindmylluriddarar ná völdum.  Að afneita staðreyndum og húka í heimi tilbúningsins, leikritsins, hentar almenningi afskaplega illa, ef hinir firrtu sitja í Stjórnarráðinu.    

 

Athugasemdir

[Jón Steinar Ragnarsson, 23.10.2017 kl. 11:23]

Í rökfræðinni kallast rakaleysi Katrínar Strámaður (Strawman), Vindmylluriddari lýsir þessu líka vel og kannski betur. Þar er verið að vísa í ímyndaðan óvin en strámaður er óvinur sem menn búa sér til úr hálmi til að berjast við.

[Bjarni Jónsson, 23.10.2017 kl. 13:49]

Alveg rétt, Jón Steinar; hugtakið, sem skylt er íslenzka blórabögglinum, kalla enskumælandi strámann, sem er fisjað saman, en fær ekki staðizt í raunveruleikanum, hvorki veður né gagnrýni.  Svo djúpt eru sameignarsinnarnir sokknir í andlegri eymd sinni og málefnafátækt, að eina ráð þeirra er að grípa til pólitísks skáldskapar.  Angi af andlegri fátækt þeirra eru síðan hatrammar persónuárásir á höfuðandstæðing þeirra í stjórnmálum, formann Sjálfstæðisflokksins, sem ber höfuð og herðar yfir leiðtoga vinstri flokkanna í eiginlegri og óeiginlegri merkingu (stjórnunarhæfileikar, þekking á landshögum, skilningur á fyrirtækjarekstri, yfirsýn um ríkisbúskapinn, lögfræði og svo mætti lengi telja).  Hælbítarnir eru nú á öskuhaugunum, snapandi gamlar fréttir um málefni, sem Rannsóknarnefnd Alþingis og slitabú Glitnis fundu ekkert athugavert við.

[Jóhann Elíasson, 23.10.2017 kl. 14:49]

Mestu öfugmælin hjá "Vinstri Hjörðinni" er að skattar hafi verið hækkaðir mest á þá sem minnst mega sín.  Og þetta grípa fylgjendur þeirra eins og einhvern heilagan sannleik.  En ef dæmið er skoðað þá greiða þeir sem hafa hærri laun hærri skatta Þeir greiða eitthvað í hærra skattþrepinu, sem hinir launalægstu gera væntanlega ekki) af þeim en að sjálfsögðu finna þeir sem lægst launin hafa mest fyrir skattinum.

[Bjarni Jónsson, 23.10.2017 kl. 21:36]

Vinstri menn, sem tjá sig opinberlega um skattamál, eiga það allir sammerkt, hvort sem þeir eru blaðamenn eða pólitíkusar, nema hvort tveggja sé, að þeir kunna ekki að fara með tölur.  Þeir setja t.d. jafnan fram hlutfallslega hækkun skatta á fólk, sem skríður yfir frítekjumarkið.  Sá, sem áður var með 0 skatt til ríkisins og fær núna 1000 kr í skatt, hækkar hlutfallslega "óendanlega" mikið.  Þetta hefur ekkert upplýsingagildi, en á þessu klifa "mannvitsbrekkurnar" endalaust, þótt þessi samanburður sé út í hött, enda hafa ráðstöfunartekjur fólks í neðra skattþrepinu yfirleitt hækkað hlutfallslega meira en þeirra í efra skattþrepinu, og þeir, sem þar eru borga augljóslega hærri hluta launa sinna í skatt en hinir.  Spyrja mætti þá, sem fyrrnefndri hundalógík beita, hvort þeir vilji þá afnema frítekjumarkið ?  Það er ekki heil brú í málflutningi vinstri manna um skattheimtu og fjármál ríkisins.  Þess vegna er þeim ekki treystandi. 

[Jón Valur Jensson, 24.10.2017 kl. 02:44]

Já, Bjarni "litla stúlkan með eldspýturnar og púðurtunnuna" (bráðfyndin samlíking) er til alls vís, komist hún á ný til valda með sínum aftursætisbílstjóra Steingrími.

Merkilegt, að hún, í meintum sam- eða félagshyggjuflokki, kemur ein fram sem fulltrúi hans í auglýsingu Vinstri grænna (þóttu einhver ónot fylgja því að hafa karlinn Steingrím með á auglýsingunni?).

Og þar kveður við þetta slagorð hennar: Gerum betur --- en þar vantar framhaldið, sem blasir þó við: Gerum betur en síðast!

Það tókst nefnilega með endemum illa í "fyrstu hreinu vinstri stjórninni", með Icesave-óráðinu, ESB-umsókninni og brigðmæli VG og Samfó við skuldsetta og fátæka.

En nú er boðuð ofurskattlagning, sem hún hefur reyndar ekki skýrt með neinum viðhlítandi hætti, og að dæla inn í landið um eða yfir 7.000 hælisleitendum (sem ekki stendur til að reka burt, fái VG að ráða) og flóttamönnum, að meirihluta til múslimsku fólki, eins og það þykir nú mikið keppikefli fyrir ýmis lönd!

Bæði gamli Marx-Lenínisminn, sem Steingrímur tileinkaði sér ungur, og Frankfurtar- marxíski skólinn hafa sem eitt sinna grunnstefja andstöðu við trúarbrögð og fyrst og fremst kristni. Hvernig þessir Marxistar urðu sérlegir vinir islamista þarfnast e.t.v. sálfræðilegrar skýringar, en ein klisjan er þeim mörgum tiltæk: að islam sé sízt neitt verra en kristni og kirkja! Þeim virðist því þykja tímabært að vængstýfa kirkjuna og flagga á meðan umburðarlyndi sínu gagnvart öðrum trúarbrögðum, islam öðrum fremur, hugsandi ekkert út í, hvílík sundurlyndis-uppspretta það verður og þjóðfélagsátaka að fá hingað mikið af múslimum sem fái svo "andlega næringu" í moskunum tveimur hjá ímömum frá Saudi-Arabíu, með wahhabíta-hljóm!

Sjá hér: 

Ein menning eða tvær? VG stuðlar ekki að samheldni

landsmanna, heldur sundrungu

[Bjarni Jónsson, 24.10.2017 kl. 09:55]

Þakka þér fyrir þetts innlegg, Jón Valur.  Mér virðast VG-forkólfar ekki hugsa neitt mál til enda; þeir vaða á súðum.  Í stefnuskrá VG sýndist mér (um daginn) þeir boða að veita 500 hælisleitendum alþjóðlega vernd hér á ári.  Þar með væri Ísland að lækka þröskuld sinn gagnvart innflæði tilhæfulausra hælisleitenda, þveröfugt við alla aðra.  Slíkt spyrst undireins út á meðal fólkssmyglara og mun leiða til óviðráðanlegs straums hælisleitenda hingað.  Við eigum að tilkynna Schengen-yfirvöldum, að á meðan við náum tökum á innflytjendamálum, tökum við upp landamæraeftirlit, eins og áður.  

Hvað gera Færeyingar ?  Þeir taka einfaldlega ekki við neinum af þessu sauðahúsi.  Þeir segja sem svo: við erum svo lítið samfélag, að við ráðum ekki við að taka við fólki úr ólíkum menningarheimum, sem margt hvert aðlagazt aldrei vestrænum siðum.  Múhameðsmenn líta niður á kristna.  Þeim er bannað að taka við fyrirmælum frá þeim.  Prelátar þeirra halda þeim við efnið, svo að þeir láti ekki af trúnni.  Þetta ástand er eldfimt.  Ef við slítum í sundur trúna, þá slítum við og friðinn, var kveðið upp úr um forðum.  Sú speki stendur enn.

[Jón Valur Jensson, 27.10.2017 kl. 01:15]

Spaklega svararðu mér, Bjarni, svo sannarlega, af drjúgum hyggindum.

Já, af hverju ættum við ekki að geta lært af bræðrum okkar Færeyingum?

Ætla menn kannski að setja sig á einhvern háan hest gagnvart þeim?

Er þá skárra að fylgja þessum víðáttuvitlausu vinstri mönnum íslenzku?!

Ein leiðrétting þó:

Vinstri græn tala ekki um 500 hælisleitendur á ári, þau vita að þeir eru um 1200 á árinu og ætla EKKI að vísa slíkum burt, sem hingað koma, heldur gefa þeim fríðindi hér til jafns við kvótaflóttamenn!

En um kvótaflóttamenn segir á stefnuskrá þeirr, að VG vilji taka við í minnsta lagi 500 slíkum árlega! Ætli þeir grípi ekki til múslimsku Rohingjanna í Búrma, þegar Sýrlandsstríðið er og verður afstaðið og enn fleiri Sýrlendingar á leið í heimahagana en jafnvel þegar er orðið.

Það er svo vitlaust þetta vinstra lið, að bezt væri að það kæmi sér úr landi.

Vertu svo kært kvaddur. Ég var loksins nú að sjá, að þú hafðir svarað mér.