Kosningar og flugvöllur

Afgreiðsla ýmissa þjóðþrifamála er sett að skilyrði fyrir því að stytta kjörtímabilið.  Í ljósi þess, að Stjórnarskráin gerir ráð fyrir kosningum til Alþingis á fjagra ára fresti, sé starfhæfur þingmeirihluti fyrir hendi, þá er býsna andkannalegt að verða vitni að bollaleggingum þingmanna um að stytta kjörtímabilið, og sumir mega vart vatni halda út af óvissu um kjördag.  Þar er málefnaleysið í fyrirrúmi. 

Eitt er þó það mál, sem enga bið þolir, hvort sem kjósa á í haust eða í vor, og það er ný lagasetning, sem tryggir framtíð Reykjavíkurflugvallar í sessi sem öruggasta flugvöll, sem völ er á fyrir sjúkraflug, kennsluflug, einkaflug og farþegaflug. 

Málefnum Vatsmýrarinnar hefur nú verið stefnt í þvílíkt óefni, að ekkert getur orðið til bjargar hefðbundinni starfsemi þar annað en lagasetning, sem bannar allar framkvæmdir, þ.m.t. trjárækt, sem rýrt geta nothæfisstuðul flugvallarins.  Hvort lagasetningin mun kveða á um skipulagsvald ríkisins á öllum flugvöllum landsins, þar sem almannahagsmunir eru taldir ríkari en þröngir hagsmunir sveitarfélaga, verktaka eða félagasamtaka, er lögfræðilegt útfærsluatriði lagatextans, en hann þarf að vera sem allra skýrastur og lögfræðilega sterkur, helzt pottþéttur, því að hætt er við, að sótt verði að hinum nýju lögum. Hvað sem öðru líður, verða þar augljóslega þröngir sérhagsmunir á ferð gegn almannahagsmunum. 

Ekki skal gera lítið úr mikilvægi þeirra mála, sem ríkisstjórnin ætlar að fá Alþingi til að afgreiða fyrir þingrof þessa kjörtímabils, en það er varla nokkurt mál í jafnmikilli tímaþröng nú og málefni blessaðs flugvallarins.  Það verður fylgzt gaumgæfilega með afdrifum og atkvæðagreiðslum á Alþingi um flugvallarfrumvarpið á síðustu metrum þingsins fyrir Alþingiskosningar.

 

Athugasemdir

[Jónas Gunnlaugsson, 29.7.2016 kl. 12:50]

Lifðu manna heilastur.

Aldrei að víkja í þessu máli.

Egilsstaðir, 29.07.2016  Jónas Gunnlaugsson

[Jónas Gunnlaugsson, 29.7.2016 kl. 13:08]

Lifðu manna heilastur.

Aldrei að víkja í þessu máli.

Egilsstaðir, 29.07.2016  Jónas Gunnlaugsson

Vörumerkið, myndin verður að fylgja með.

[Jónas Gunnlaugsson, 29.7.2016 kl. 13:33]

Lifðu manna heilastur.

Aldrei að víkja í þessu máli.

Vegna hugsanlegra eldgosa á Suðvesturlandi, og þá ekki síst á Reykjanesi, eiga flugvellirnir að vera tveir.

Þetta skiljum við allir.

Það er trúlega mun ódýrara að greiða heimsku skaða þeirra sem ásælast flugvöllinn, en að vera aðeins með einn góðan flugvöll á suðvesturlandi.

27.7.2016 | 17:46

Egilsstaðir, 29.07.2016  Jónas Gunnlaugsso

Ég er á hlaupum,henda hinum.

[Bjarni Jónsson, 29.7.2016 kl. 18:58]

Sæll, Jónas;

Þakka þér fyrir góðar kveðjur af Héraðinu.  Það er vafalítið rétt hjá þér, að það er illskárra að greiða skaðabætur, sem um kann að verða samið eða ríkið verði dæmt til að greiða fyrir þann endemis flumbruhátt, sem fulltrúar þess hafa gert sig seka um, en að missa þann gullmola, sem flugvöllurinn í Vatnsmýri er til frambúðar með öllum sínum 3 flugbrautum.  Í fyrirsjáanlegri framtíð verða flugvélar rafknúnar, og þá verður hvorki eldsneytisstybba af þeim né hávaði lengur.

Með góðri kveðju úr Kraganum í 18°C /