Covid: bólusetning borin saman við áhættu veikinda af völdum hjartavöðvabólgu

Sænski læknirinn Sebastian Rushworth birti á vefsetri sínu 09.01.2022 umfjöllun um viðamikla enska rannsókn, sem leiddi í ljós með óyggjandi hætti, að áhætta fólks undir fertugu af að veikjast af hjartavöðvabólgu eykst svo mikið eftir bólusetningu með mRNA-efnunum, að ekki er læknisfræðilegur grundvöllur fyrir þessum bólusetningum í ljósi tiltölulega vægra veikinda af sjúkdóminum, C-19, einkum nýjasta afbrigðinu, ómíkron. 

Þar að auki hefur nú verið sýnt fram á, sbr Morgunblaðsgrein Jóhannesar Loftssonar, "Ekki hlýða Víði", að mRNA-bóluefnin virka ekki gegn ómíkron-afbrigðinu, enda hefur lyfjaiðnaðurinn boðað nýtt bóluefni gegn því í marz 2022, en þá verður víðast hvar, einnig hérlendis, komið hjarðónæmi gegn því. Það munar mjög lítið um samkomutakmarkanir og rekstrarhömlur stjórnvalda, þegar smitstuðullinn er jafnhár og raunin er með ómíkron.  Rakning og sóttkví fólks, sem ekki hefur verið greint jákvætt og er án einkenna, á ekki lengur við. Nú hefst grein Sebastians Rushworth í þýðingu höfundar þessa vefseturs:

"Það hefur verið ljóst um hríð, að Pfizer og Moderna bóluefnin valda hjartavöðvabólgu. Það, sem samt hefur verið óljóst, er, hvort hættan á hjartavöðvabólgu eftir bólusetningu er meiri en eftir smit [af C-19].  Ef áhættan í kjölfar smits er jafnvel meiri en í kjölfar bólusetningar, þá getur verið fram komin nokkuð góð ástæða fyrir því að hafa ekki áhyggjur af hjartavöðvabólgu, sem bólusetningin veldur að því gefnu, að nánast allir óbólusettir munu fyrr eða síðar fá covid og verða þannig fyrir áhættu af eftir-smits hjartavöðvabólgu. 

Ef hins vegar áhættan er meiri eftir bólusetningu, þá þarf að fara í nákvæmara áhættumat. Fyrir þá stóru hópa þýðisins, sem geta búizt við hverfandi lítilli hættu fyrir sig af covid-19 (í grundvallaratriðum allir undir fertugu, sem eru ekki í yfirþyngd og ekki með undirliggjandi heilsufarslega veikleika), væri jafnvel aðeins lítil hætta á alvarlegum sjúkdómi af völdum bólusetningar nóg til að metaskálarnar yrðu þyngri þeim megin, að rétt væri að sleppa þessum bólusetningum.  

Enginn skyldi fara í grafgötur um það, að hjartavöðvabólga er alvarlegur sjúkdómur.  Upp á  síðkastið hef ég oft heyrt þessa setningu: "en hjartavöðvabólga vegna covid-bóluefnanna er væg !". Fyrir covid hafði ég aldrei heyrt um væga hjartavöðvabólgu.  Fyrir covid var hjartavöðvabólga alltaf talin alvarlegur sjúkdómur.  Það, sem fólk á við með þessari yrðingu, er, að sjúklingar lagðir inn á sjúkrahús með hjartavöðvabólgu stuttu eftir bólusetningu, geta vanalega farið heim eftir nokkra daga og enda sjaldan á gjörgæzludeild.  Þetta má til sanns vegar færa.  

Við segjum samt ekki, að flest hjartaáföll séu "væg", bara af því að þau verði ekki til innlagnar á gjörgæzludeild og bara af því að sjúklingurinn er venjulega útskrifaður af spítalanum innan viku. Hjartaáfall er hjartaáfall og er í sjálfu sér alvarlegt.  Hið sama á við um hjartavöðvabólgu.  Hjartavöðvarnir eru ekki mjög hæfir til viðgerða á sjálfum sér, og núna er ómögulegt að vita í hversu miklum mæli hjartavöðvabólga af völdum bóluefnis eykur áhættu sjúklingsins á að verða í framtíðinni fyrir alvarlegum langvarandi einkennum á borð við stöðuga hjartveiki eða gáttatif. 

Þannig er hjartavöðvabólga alltaf alvarleg án tillits til, hvort sjúklingurinn lendir í gjörgæzlu eður ei, og við þurfum að vita, hvort líkindi á hjartavöðvabólgu af völdum bóluefnanna eru meiri en líkindi á hjartavöðvabólgu af völdum smits [C-19].

Sem betur fer var nýlega birt rannsóknarskýrsla í "Nature Medicine", sem hjálpar okkur við að svara þessari spurningu af einhverju viti.  Það, sem rannsakendurnir gerðu, var að safna gögnum um alla yfir 16 ára aldri, sem voru bólusettir gegn covid-19 í desember 2020-ágúst 2021.  Þetta reyndust vera um 40 milljón manns (meira en helmingur brezku þjóðarinnar). Fyrir þetta risastóra þýði var gögnum síðan safnað um tilvik hjartavöðvabólgu og jákvæð covid-próf.  8 % af þessum 40 M greindust smitaðir af covid-19 á rannsóknartímabilinu.  Fyrirætlun rannsóknarinnar var að meta áhættu hjartavöðvabólgu innan 28 daga frá bólusetningu í samanburði við hjartavöðvabólgu eftir smit, og að setja þetta í samhengi við bakgrunnsupplýsingar um hjartavöðvabólgu.

Það er einn hængur á að taka tölur úr þessari rannsókn, eins og þær koma fyrir af skepnunni, og hann er sá, að í rannsókninni var notazt við fjölda greindra sem mælikvarða á covid-smitaða.  Við vitum hins vegar, að allt að helmingur covid-sýkinga er einkennalaus, og þar að auki er óþekktur fjöldi fólks, sem fær einkenni, en lætur hjá líða að fara í greiningu.  Þannig er raunfjöldi smita líklega a.m.k. tvöfaldur fjöldi greindra.  Þetta gefur ósanngjarnan samanburð við bólusetningarnar, því að vitað er um alla, sem eru sprautaðir.  Það eru ekki margir, sem hafa verið sprautaðir á laun og ekki skráðir.  Þannig þarf a.m.k. að helminga hlutfall tilvika hjartavöðvabólgu af greindum til að nálgast rétt hlutfall.

Jæja, þá að niðurstöðunum:

Það fyrsta, sem mikilvægt er að gaumgæfa, er, að hættan á hjartavöðvabólgu eftir bólusetningu í samanburði við hjartavöðvabólgu eftir smit, er, að tíðni hjartavöðvabólgu er gríðarlega háð aldri bólusettra.  Fyrir aldurshópa yfir 40 sáust alls engin merki um, að bólusetningar ykju þessa tíðni.  Jákvæð covid-19 greining á hinn bóginn jók líkindin 12-falt fyrir eldri en 40.  Þannig var áhætta fólks eldra en 40 á að fá hjartavöðvabólgu eftir smit miklu meiri en hættan á slíku eftir bólusetningu. 

 

Hins vegar var áhætta fólks 16-40 ára allt önnur.  Í þessum hópi jókst hættan á hjartavöðvabólgu innan 28 daga eftir jákvæða greiningu covid-19 "aðeins" ferfalt, og áhættan eftir fyrsta skammt af Moderna bóluefninu jókst nú ferfalt. 

Munum nú, að covid-prófin ná sennilega aðeins helmingi smitaðra í mesta lagi, svo að raunveruleg áhættuaukning eftir smit er nær því að vera tvöföld, en ekki fjórföld.  Með öðrum orðum þá veldur fyrsti skammtur af Pfizer-bóluefninu nokkurn veginn sömu tíðni hjartavöðvabólgu og sýkingin sjálf, en fyrsti skammtur af Moderna-bóluefninu veldur gróflega tvöfaldri tíðni á við sýkinguna sjálfa. 

Jæja, snúum okkur þá að annarri bólusetningunni í röðinni [í upphafi bólusetninga gegn C-19 nefndur seinni skammtur-innsk. BJo].  Annar skammtur af Pfizer-bóluefninu þrefaldaði hættuna á hjartavöðvabólgu, en af Moderna-bóluefninu 21-faldaðist áhættan.

Það er óhætt með vissu að álykta, að sú ákvörðun yfirvalda í mörgum Evrópulöndum fyrir nokkrum mánuðum að gera hlé á bólusetningum fólks undir 30 ára með Moderna, var viturleg.  Eitt er víst, að annar skammturinn af bæði Pfizer og Moderna eykur áhættuna verulega í samanburði við áhættuna af fyrsta skammtinum.  Þetta leiðir hugann að spurningunni, hversu viturlegt sé að ráðleggja fólki undir 40 þriðju sprautuna.  Það er rökrétt að halda, að 3. skammturinn muni auka hættuna á hjartavöðvabólgu enn frekar. [Ábyrgð yfirvalda á Íslandi er mikil, að hvetja alla niður að 16 ára aldri til 3. bólusetningarinnar með því að undanskilja þá einkennalausri sóttkví.  Það er einboðið að afnema alfarið regluna um sóttkví án einkenna - innsk. BJo.]  Það er ljóst af gögnum þessarar rannsóknar, að það er brattur aldurshnigull áhættu, þ.e. hættan á hjartavöðvabólgu eykst gríðarlega með lækkandi aldri.  Í raun var það svo fyrir yngsta hópinn (16-29 ára), að hættan á hjartavöðvabólgu jókst 74-falt eftir annan skammtinn af Moderna !

Með það í huga, að lækkandi aldur þýðir líka minnkandi hættu á slæmum afleiðingum covid (þ.m.t. minnkandi hætta á hjartavöðvabólgu eftir covid), er skynsamlegt að gera ráð fyrir ákveðnum aldri, þar sem skaði bólusetninganna verður meiri en gagnið.  Þar að auki eru fram komin sönnunargögn um, að með auknum fjölda bólusetningarskammta aukist hættan á hjartavöðvabólgu. Með þessar 2 staðreyndir í huga er það rökstudd skoðun mín, að "örvunarbólusetningar" ungs og heilsuhrausts fólks, og þá einkum barna, sé óviturlegt.  Auk þess hafa margir, ef ekki flestir, ungir fullorðnir, unglingar og börn, þegar fengið covid og hafa þar af leiðandi eins gott ónæmi gegn veirunni og mögulegt er að fá.  Þess vegna setja örvunarsprautur þessa hópa í hættu á að verða fyrir heilsutjóni án nokkurs mögulegs gagns.  Þegar gagnsemi bólusetninga er engin (núll), þá er öll áhætta, hversu lítil sem hún kann að vera, ósamþykkjanleg."

Harðvítugur áróður íslenzkra sóttvarnaryfirvalda fyrir bólusetningum barna og ungmenna virðist ekki vera reistur á beztu þekkingu á þessu sviði, eins og lesendum þessarar greinar Sebastians Rushworth ætti að verða ljóst, hafi þeir ekki þegar áttað sig á því eða a.m.k. rennt grun í það. Það verður að söðla um hið fyrsta áður en enn meira heilsutjón hlýzt af.  Bóluefnin, sem fram hafa komið gegn C-19 eru meingölluð og virka lítið sem ekkert gegn ómíkron-afbrigði SARS-CoV-2 veirunnar.  Þar sem afbrigðið veldur vægum einkennum hjá annars heilbrigðu fólki, eiga við rök Sebastians Rushworth um, að öll áhætta af bóluefnum sé óásættanleg. 

  

 

 

 

 

Athugasemdir

[Þorsteinn Siglaugsson, 12.1.2022 kl. 11:29]

Takk kærlega fyrir að taka þér tíma í að þýða greinina Bjarni. Ég tók mér það bessaleyfi að birta hana í FB hópnum Heildarmyndin.

[Gerður Pálma, 12.1.2022 kl. 12:28]

Takk fyrir frábæra grein um þá áhættu sem fylgir sprautugjöfunum. Það er hinsvegar merkilegt að sú staðreynd að Cov19 sem og allir Corona tengdir sjúkdómar eru nær 100% fyrirbyggjand sem og læknanlegir og eyðir öllum hugmyndum um þörf eftir ´bóluefnum´ Lang-Covid verður ekki lengur vandamál, né sjúkarhúsvistun að mestu óþörf. Hvers vegna eru heimilislæknar ekki þeir sem meðhöndla sjúklinga strax og veikinda er vart? Snemmlækning er ráðlögð að læknavísindamönnum um allan heim. Hvenær verður fólki ljóst að markmið sprautugjafann hefur ekkert með heilsuvernd að gera, heldur innleiðingu ´QR Datapassans, sem á þessu stigi er kallaður heilsupassi. Hér er linkur um Ivermectin sem þekkt er sem UNDRALYF vegna umfangs lækningamátts þess, eins og t.d. ýmsar tegundir krabbamein.   https://brandnewtube.com/watch/the-story-of-ivermectin_ffENQ99XWhon3Ui.html    Þekking um hvað raunverulega er í gangi er aðgengileg öllum sem vilja vita.

[Bjarni Jónsson, 12.1.2022 kl. 13:37]

Sæll, Þorsteinn.  Það er velkomið að dreifa greininni sem víðast, því að sóttvarnarlæknir situr við sinn keip og dreifir "disinformation", nú í dag fullyrti hann, að neikvæðar afleiðingar bólusetninga væru minni en afleiðingar sýkingar af C-19.  Það er bara alls ekki rétt fyrir yngri aldurshópana samkvæmt rannsókninni, sem SR gerir þarna grein fyrir.  Þar að auki er verndarvirkni bólusetninga nánast engin gagnvart ómíkron, en samt leggur sóttvarnarlæknir ofurkapp á "örvunarbólusetningu" og barnabólusetningar.  Hann er með mjög léleg spil á höndunum, og mér kemur hann nú fyrir sjónir sem strengjabrúða eða jafnvel don Kíkóti að berjast við vindmyllur, sem sá taldi vera illa risa.  Opinberar sóttvarnaraðgerðir á formi samkomutakmarkana og rekstrarhamla hafa nú svipuð áhrif á útbreiðslu smita og stíflubútur hefur á flóð.  Vatnið fer sína leið.  

[Þröstur R., 14.1.2022 kl. 00:29]

Sæll Bjarni,

Hérna er ein rannsókn í viðbót sem var birt 27.Des 2021 sem PrePrint ekki enn viðurkennd sem Peer Review. https://www.medrxiv.org/content/10.1101/2021.12.21.21268209v1.full.pdf

Athyglisverð graf á bls 4 í skýrslunni sem er unninn af Department of Infectious Diseases, Kaiser Permanente Northwest, Portland, Oregon. 

Annað sem ber að hafa í huga þegar CDC kom út með aðvörun á hjartavöðvabólgu hjá ungum karlmönnum eftir seinni sprautu á síðasta ári. Áætluð atvik var 12-17 ára kk 62,8 per milljón og 18-24 ára kk er 50.8 per milljón. Taldi CDC að þessar tölur væru viðunandi hættumörk. 

Þessi rannsókn frá Kaiser Parmenente er áætluð atvik 12-17 ára kk 377.4 per milljón og 18-24 ára kk 537,1 per milljón

Upplýsingar um gerð rannsóknarinnar kemur fram í skýrslunni sjá link.

[Bjarni Jónsson, 14.1.2022 kl. 10:22]

Þakka þér kærlega fyrir þetta innlegg, Þröstur R.  Alltaf hefur þurft að meta áhættu af bólusetningum á móti ávinningi.  Varðandi ávinninginn gagnvart sýkingu af SARS-CoV-2 verður að hafa í huga, að á Íslandi hefur dánarhlutfallið af völdum veirunnar aðeins verið um 60 ppm á ári.  Fyrir ungt fólk 12-24 ára, sem þú nefnir, hefur dánarhlutfallið verið 0 á Íslandi.  Miðað við aukaverkanir allt að 540 ppm fyrir þennan aldurshóp, hverju nafni sem þær nefnast, er ráðlegging sóttvarnaryfirvalda hérlendis um bólusetningu þessa aldurshóps gegn kórónuveirunni ofar mínum skilningi. 

Mat CDC á ásættanlegum hættumörkum af völdum bóluefnanna verður að skoða í ljósi tiltölulega hás dánarhlutfalls í BNA af völdum SARS-CoV-2, en það er meira en 20-falt í samanburði við Ísland.   

[Þröstur R., 17.1.2022 kl. 12:13]

Sæll Bjarni aftur,

Langar til að senda þér þennan link ef þú hefur ekki nú þegar hlustað á dr David Wiseman. Ég bloggaði um þetta um helgina en það var fljótt að fara útúr augsýn fólks enda margir sem blogga um helgar. Það sem kemur hér fram finnst mér þurfa meiri athygli enda er dr David sérstakur ráðgjafi og situr CDC fundi og sá síðasti var 5. Jan 2022. Hér er viðtalið við hann: https://rumble.com/vseupc-dr-wisemans-damning-quasi-vaccine-efficacy-data-ignored-by-the-fda-and-the-.html